U President ka Meghalaya Pradesh Trinamool Congress (MPTC), u Charles Pyngrope da ong u wa ka seiñ em ko i thmu wow sai kyrtong na waroh 60 tylli ki Constituency neibynta ka Election MLA 2023.
Da ong u wa chwa wow kut u Khonchonglad (Nov) ka Party yooluti ko wow pynbna noh ya ki pyrtuid ki kyrtong ha ka kylla wa nyngkong.
Chooh chooh da ong u wa hanla thmu ka seiñ wow pynyakhun na waroh 60 Constituency, tangwa ym kwah ko wow jied kulmar donhi ya ki kyrtong wow chakri paidbah.
Hajrong i ong wa ka Trinamool ymye ko wow leh bha ha ki Constituency ka Khasi-Jaiñtia Hills, da ong u wa ya ini i rukom klam da em leh ya kiwi ki Party tangwa kani ka Party kawa thymme da em ko ki chnat ha waroh ki thaw wa pynyoo wa ki paidbah da pdiang ki ya kani ka Party.
