U Mariahom Kharkrang da kyrmen u wa ka Bharatiya Janata Party (BJP) daw e ko ya ka Ticket cha oo wow yakhun ya ka Election MLA 2023. Da ong u wa ka BJP chwa wow e Ticket jooh pynman ko yei thooh bniah (Survey), khnang wow ye u sai ya u kyrtong uwa ye wow jop.
Hawa klam ynne ka sngi, da ong u wa ym em i piah ka BJP ha North Shillong, tangwa em bait chiboon kiwa kwah wow yakhun na ka BJP na kani ka Constituency neibhah sñiawthooh ki wa lada yakhun ki na ka BJP em kyrmen ki wow jop, wei ka Ticket BJP toh ka Ticket wow wanrah ya i jop ha North Shillong.
Hawa kylli yei sñiaw tikna wow yoh ya ka Ticket na ka BJP, da pynsñiaw wa ym tikna yi wow yoh ya ka Ticket tangwa na ki dak ki chin kiwa mih, kyrmen u wow yoh yakhun na ka Party kamwa kwah u.
I yaknieh Ticket ki kyrtong ka BJP ha North Shillong Constituency ha ki kajiak tayaw wa dadep, da em leh ki kyrtong kiwa da sñiawthooh wa ym yoh ki ya ka Ticket hadooh wa da mih noh ki na ka Party, wei i yakhun wow yoh ya ka Ticket BJP katni na kani ka Constituency toh hapyrdi u Kharkrang wa u Michael Kharsyntiew.
