U Vice President ka United Democratic Party (UDP) uwa man leh u MLA ka Amlarem, u Lahkmen Rymbui da ong u wa ka Party dang khlan ko katwa dang mih ki sngi wei u yakhun ko ya ka Election wow wan deiwa jop leh ha kiwa boon ki Constituency.
Da ong u wa ka UDP man ko ka seiñ neibynta ka sur ki paidbah wei u jop ko leh ha boon tylli ki Constituency ha ka Election wow wan.
Hawa kylli, da ong u wa waroh ki seiñ saiñpyrthai u pyrchang ki wow yoh yei jop ha waroh ki Constituency, tangwa emkaam leh u tip ya i khlan kiwi ki seiñ kiwa yakhun pyrchah,
Chooh chooh da ong u wa ka UDP u kreh chitom ko hadooh wa poi ka sngi Election.
