Kam chibynta yong ka Commemoration Day 2022 da pynman ya ka Rally yah thuk-thuk kawa e pyrtuid ka ‘West Meets North in East’ hapyrdi ka 3rd MLP Bn wa ka 6th MLP Bn heiwa da yachem ki ha Diengpasoh Police Station, East Khasi Hills.
Ya ka 3rd BN Sahpsein da yahkhmat ya ka da u Commandant yong ka, u Chemphang Syrti, heiwa da mih ki na Police Reserve Jowai hadien ka lehwarom Police Commemoration Day katwa ya ka 6th BN MLP Umran won da yahkhnat da u Lakador Syiem deiwa mih na Police Reserve Nongpoh hadien yong ka Commemoration Day Parade.
Kini pyn ar ki Unit da mih ki wow lai cha Deingpasoh Police Station wei manda poi heini, da liwan biang ki da ki thuk-thuk cha jar jiar na ki thaw wa mih ki.
Ka thong yong kini ki Rally toh wow kynmoo warom ya ki pulit ka jylla kiwa da khlaad heipor wa e ki yei chakri ya ki paidbah ka jylla wa ka ri wow pynkhlan wei wow pynyabi ya i yatoh hapyrdi ki pulit ki ar Unit.
Ha kani ka Rally da rah leh ya ka Wyrta lyngba ki tanghæng heiyatoh wa ki kaam wa khroo wa da leh ki pulit kiwa da khlaad heipor wa chakri ya ki paidbah wa ka jylla.
