U Kiren Rijiju uwa man leh kam u Montri ka sorkar pyrdi wa pait ya ka chnat Law & Justice, ym bien u wow ong iyi iyi heiyatoh wa i dawa pynkrehkaam ya ka Inner Line Permit (ILP) ha Meghalaya.
Hawa yaklam wa kiwa thoh khubor ha Shillong da ong u wa ym pu ye u ong neibhah ini da emkaam wow yaklam chooh chooh wei wow pyrkhat bha wa kiwa boon neibhah i dawa ki bru ka jylla toh katkam i thrang yong ki hi wei ka sorkar hap ko wow pyrkhat yeiwa sñiaw yong kiwi kiwa boon.
Hawa kylli won yei pynkrehkaam ya ka aiñ Citizenship Amendment Act (CAA), da ong u wa ya ka CAA ym ye wow pynkrehkaam neidaw wa em ka khlam wei dang em boon ki kaam wa ka Home Ministry dang hap ko wow pynbait.
