Pyrchah ka MPUF ya ka Public Hearing ka Adhunik Cement

Jowai : Ka seiñ MPUF ynnin ka sngi ka 21 tarik da li booh dorkhat ko cha ki heh la Meghalaya State Pollution Control Board yow pynsñiaw ko wa pyrchah ko yei khut pynman Public Hearing ka Adhunik Cement ka wa kwah u sdang sa kawi ka thaw tih moochuni (Block III) iwa heh 4.90 Hectare ha chnong Thangskai.

Ya kani ka Public Hearing namo ka pynche paidbah wow paanbor wow sdang sa ka wi ka thaw tih moochuni da booh wow pynman ha kani ka 25 tarik ha i thaw wa mut u tih ya uni u moochuni.

Ha ka dorkhat ka MPUF da ong ko wa ym em pyrchah ko yei wanrah ya i roi i par tangwa hap pyrkhat won yei ktah ko ya ka rymaw wei daw poi i por wa hap yut chnong ki tre chnong du neidaw wa mih boon jait kiwa pynsih ya i chait i khiah wa mih na kini ki kharkhana pynmih khyndawbilat.

Kamjooh leh i tih moochuni da pynjæd pynpra ko ya ki thaw ki bhaw wei da wiar lut ki khloo ki kjam.

Related posts

Khut ka UDP-West Jaiñtia Hills ya kiwa kwah u yaleh MDC cha ka JHADC

November 25, 2024

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da ong leh wa boon na ki kharkhana wa em ha ri-loom Jaiñtia ym em ye ki u burom ya ki kular wa da e ki cha ki paidbah wei ym em biang ki leh ya ki kot ki sla wow e bor ya ki wow krehkaam ki hapoh ri-loom Jaiñtia katkam i chem ka seiñ lyngba ka RTI.

Sa iwa leh wa yoophylla wa ya ka Adhunik da tip katni kam ka Dalmia Cement tangwa ya ka Public Hearing da khut hei pyrtuid ka Adhunik.

Ya kani ka dorkhat leh da phah cha u DC ka EJH, u CM wa cha ka NGT.