U MLA ka UDP na Mawphlang, u Eugeneson Lyngdoh da pynbna paidbah u ynne ka sngi wa ym yakhun u ya ka Election MLA 2023. Ya ini i rai u Eugene da pynbna ha ka yalang wa seiñ ya ka UDP Mawphlang Circle kawa da pynman ynne ka sngi.
Katkam i ong yong u MLA, i wym kwah de u wow yakhun ya ka Election toh na ki daw samen, tangwa da khana u wa u nang kreh bait u neibynta ka UDP ha Mawphlang wei wow pynyoh leh ya u kyrtong wa biang wow mihsalan.
Neiliang u President ka UDP East Khasi Hills District, u Titosstarwell Chyne leh da khana u wa u Eugene da dep klam che u wa ym bien de u yakhun ya ka Election, tangwa u nang kreh u neibynta ka Party wei da thung ya oo kam u President ka UDP Mawphlang Circle.
Kam wow pynkynmoo wa u Eugeneson Lyngdoh da jop u ya ka ka Election chiteiñ samoi ha u Khonchonglad (Nov) 2021, hadien wa khlaad noh u MLA uwa man leh u pa u, u Syntar Klas Sunn.
