I pynman ya ka 2nd North East Olympic Games 2022 daw yarap bha i ya ka Meghalaya wow pynkhreh wow pynman ya ka the 39th National Games, da ong uwa yahkhmat ya kiwa yalehke ka Manipur namo u Chef de Mission, u M Rajendra Singh.
U Singh hawa e khublei ya ka Meghalaya wa da chah jied ko wow pynman ya kani ka 2nd NEOG 2022 heiwa kawa nyngkong da pynman ha u 2018 ha Manipur hiewa kani ka jylla leh da dep yoh ko wow pynman ya ka National Games.
Ka Manipur ha u 2018 da man ko kam ka Champion wa yoh takma wa boon dooh ha ka NEOG wei da yooluti u wa ki 449 ngut kiwa yalehke wa da phah u chimbynta daw leh ki yei jooh ha kani ka kynti leh.
“Ki nong Manipur toh kiwa biej Sport bha wei da pynmih ko leh ya kiwa boon kiwa yalehke ya ka ri wa kynthup ya 25 ngut kiwa da lai chimbynta ha ki Olympics,” da ong u deiwa pynrap wa ki khynthai wa chynrang ka jylla daw ye ki wow yada yei naam Champion.
Chooh chooh u Singh da kular u wa ka Manipur toh kawa da pynkhreh wow e yei kyrchaan ya ka jylla yow pynman ya kani ka NEOG 2022 kawa jop, wei da pynclur u leh ya ka Meghalaya wow pdiang ya kiwon kiwon ki moochynthut.
“Khlem ki moochynthut ym ye wow pynman ya kani ka lympung. Ini da yoo ha ka pyrthai waroh kawi wot hadooh ki Olympics, Commonwealth wa National Games leh em bait i duna. Wei ini waroh iwa eh wa hap maad daw yarap ko ya ka Meghalaya hawa pynman ya ka National Games wei da pyn-ehdaw eh-nasib O ya ka jylla yow ye ko u leh ya ini,” da pynkut u.