Ka Chatister Kharkongor Memorial Trophy 1st Division Football Tournament-2022 ka West Jaiñtia District Sports Association (WJDSA), Jowai da poi ko cha ka yalehke wa arphaw-khynde wa ka lephaw ynne ka sngi kiwa man ki yaleh wa khaddooh chwa wow poi noh cha ka Semi Final wei kini ki yalehke toh pyn-ar kiwa da hap wow kyrriah tarik ini wa dep.
Ki yalehke wa da pynman toh hapyrdi ka Moosalyngkat waka Chilliangraij wa da jop da ka Moosalyngkat da 3-0 da ki kool wa thap u Ksohlangki Rymbai ha ka minit wa 12, u Rikenson Suting ha ka minit wa 44 wa u Lalthakuma Ngaite ha ka minit wa 62.
Ha ka yalehke wa bood, ka Mukhla Raij da yachem ko waka Wahiajer heiwa da jop da ka Mukhla Raij da 1-0 da ka kool wa thap u Joydeep Bamon ha ka minit wa 63.
Kamtæ ki yakhun Semi Final u pynman ha ka 11 wa 12 tarik uni u bnai heiwa ha ka 11 tarik daw yachem ka Nangbah Iawmusiang waka Sailung Ialong katwa ha ka 12 tarik ka Moosyiem Shangpung u yachem ko waka Mukhla Raij. Waroh ar ki yalehke toh kiwa daw pynman heipor 1:30 i sngi.
