Ki yalehke ka Thadlaskein Sports Association (TSA) da pteiñ ki ynne da kawi ka yalehke 1st Division wa kawi ka yalehke Super Division.
Ha ka 1st Division, ka Niriang SC da jop ko ya kaDongmihsngi SC da 4-2.
Ya ka Niriang da thap kool da u Banshan Mukhim ha ka minit wa 9 wa 37, u Iohibiang Siangshai ha ka minit wa 14 wa u Da O Muruh ha ka minit wa 47 katwa ya ka Dongmihsngi da thap da u Samuel Shadap ha ka minit wa 23 wa 32.
Ha ka Super Division, ka Lumphyrnai Sohphoh da jop ko ya ka Krem Kum Nongkhroh da 9-1.
Ya ka Lumphyrnai Sohphoh da thap da u Pynbiang Suting ha ka minit wa 11 (P) wa 33, u Decidious Pyrtuh ha ka minit wa 25 wa 33, u Snowell Kharsati ha ka minit wa 44, u Habandajop Khriam ha ka minit wa 49, u Sanowel Suting ha ka minit wa 64 wa 90, u Walson Suting ha ka minit wa 84 katwa ya ka Krem Kum Nongkhroh da thap da u Alemon Nongspung ha ka minit wa 82.
Ki yalehke mynstep:
1st Division- Lumsharatoh Vrs Namdong SC (11AM)
Super Division- Ummulong SC Vrs Ialong SC (2PM)
Discussion about this post