Thung ka sorkar da ka Education Commission yow pynjanai ya ka puræ puthi

Ka sorkar jylla da thung ko ya ka Meghalaya State Education Commission wei ka dhab Montri da e ko leh yei mynjur ya kani ka Commission ynne ka sngi ka wow em 4 ngut ki dkhot wa kynthup ya u/ka Chairperson.

Hawa klam cha ki laad pathai khubor hadien ka yalang ki Montri, u Montri Rangbah ka jylla, u Conrad Kongal Sangma da ong u wa i thung ya ka Meghalaya State Education Commission toh yow e buit ya ka sorkar hawa yatoh wa ki kaam wow pynbha pynbiang wei pynjanai ya ki skur wa ki College wa kynthup wow bichaar ya ka tulop kiwa sikai.

ADVERTISEMENT

Kam wow kdaw heini wa hadien wa mih kiwa sikai wow yakhih khamtam wow dawa ya ka tulop, neiliang ka sorkar da kular ko ya kiwa sikai wow thung noh ya ka Education Commission yow pait yei eh wa i emkaam yong kiwa sikai wei wow e yumut won cha ka sorkar.

U Montri Rangbah da ong u leh wa kani ka Commission daw e yumut leh ya ka sorkar hei pynkrehkaam ya ka National Education Policy, 2020.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ha iwi won i liang, u Montri Rangbah da khana u wa katkam ka Performance Grading Index (PGI) yong ka NITI Aayog wa dang dep pynmih, da pynyoo ko heiyatoh wa i chna ya ki thaw puræ ka Meghalaya heiwa da yoh ko ha ka kyrdan kawa ar napyrdi kiwa rap ku hei wow pynbha yei chna ya ki thaw puræ, wei ha waroh ki liang wa yatoh wa i rap ku ka puræ puthi, ka NITI Aayog da e ko ya ka Meghalaya ha ka kyrdan wa san katwa ha Northeast ha ka kyrdan wa ar.

U Conrad da ong u wa ini i pyrchang yong ka sorkar da sdang wow pynyoo ya ki soh kiwa bha, tangwa deiwa em ka Meghalaya State Education Commission daw kyntu chooh chooh ya ka jylla ha ki kaam puræ puthi ha ki sngi wow wan.