Ynne ka sngi ha ka Dorbar Tlang ka Jaiñtia Hills Autonomous District Council (JHADC), u CEM ka Council, u Thombor Shiwat da pyntip u wa da pynku kyrdan ya ki 6 ngut ki sahep hapoh ka Council.
Kini ki sahep kynthup ki ya u Boimi Mulieh uwa jooh man kam u Revenue Officer wei da pynku kyrdan ya oo kam u Under Secretary ka Council nadooh ka 01-08-22, ka Friedamaslyne Lathong kawa jooh man kam ka Assistant Revenue Offcer da man noh ko kam ka Revenue Officer nadooh ka 01-08-22.
Da pynku kyrdan leh ya u Mul Passah na i kyrdan Junior Accountant cha u Assistant Revenue Officer nadooh ka 01-08-22 katwa ka Barcelona Bamon kawa jooh man kam ka Deputy Secretary ka Executive Committee won da man ko kam ka Joint Secretary ka Executive Committee nadooh ka 01-11-22.
Chooh chooh da pynku kyrdan leh ya ka Chastity Tyngkan kawa jooh man kam ka Under Secretary cha ka Deputy Secretary ka Executive Committee nadooh ka 01-11-22 wei ya u Lordcifer Ryngkhlem uwa jooh man kam u Finance and Accounts Officer won da pynku kyrdan noh kam u Secretary ka Council nadooh ka 01-11-22.
