I kreh chitom ka Election Commission of India deiwa krehlang ki bor aiñ da yoh ki wow kem posia, kem kiad, kem drugs, ki mar wa kordor kam i ksiar wa kiwi iwa da man iwa heh dooh na waroh ki por kam chibynta i pynman Election MLA ha Gujarat wa Himachal Pradesh heiwa ha Gujarat daw pynman ha ka 1 tarik haddooh 5 tarik u Kmaichonglad (Dec) katwa ha Himachal Pradesh ha ka 12 tarik uni u bnai.
U Chief Election Commissioner, u Rajiv Kumar da pyntip u wa ha Gujarat da yoh wow kem T. 71.88 klur du hadien kattu katni sngi wa da pynbna tarik Election iwa tam ya waroh wa da yoh wow kem ha ki sngi wa krehkaam ka Model Code of Conduct ha ka Assembly Election, 2017 kawa dapoi T. 27.21 klur.
Da pyntip u leh wa ha Himachal Pradesh da yoh wow kem T. 50.28 klur hawa nujor ha ka Election wa khaddooh heiwa da yoh kem T. 9.03 klur iwa da ku da san chah. Da kyntu u leh ya kiwa chong chnong wow man kiwa paitbniah ya kam kini ki kaam wei wow pynemkaam ya ka cVigil App yow pyndooh yei pynemkaam poisa heipor Election.
Hanla ha Gujarat dang duna chi bnai i pynman Election, ki pulit da dep ki wow kem 1,10,000 litre i kiad iwa chongdor T. 3.86 klur. Ka Directorate of Revenue Intelligence (DRI) da pyntip ko leh da yoh wow kem ki tiar ki tar, nadooh ki tiar kyndehke wa chongdor T. 64 klur kiwa da chalan tooh ha Mundra Port, Gujarat wei da kem ar ngut heiyatoh wa ini wei i takit dang lai i chakhmat.
Na kini ki ar jylla iwa da yoh kem dapoi T. 122.16 klur deiwa kheiñlang ka poisa, kiad, drugs, i ksiar wa kiwi kiwi wa da yoh kem.
Ha ki Bye-Elections, 2022 ha ki 7 tylli ki Assembly Constituencies ha Bihar, Odisha, Maharashtra, Telangana, Haryana wa Uttar Pradesh heiwa i thap Vote da kut ynnin, da yoh wow kem ka poisa kawa T. 9.35 klur. I kem wa da boon tam toh ha Munugode Assembly Constituency ka Telangana heiwa da yoh wow kem T. 6.6 klur, 1000 liter i kiad wa T. 1.78 klur ki mar wa kordor kam i ksiar wa kiwi kam kini ki jait.
I yoh kem ha Himachal Pradesh wa Gujarat hadooh ka 10-11-2022 man i kamni ha wah:
| State | Cash | Liquor | Liquor | Drugs | Precious metals | Freebies | Total Seizure |
| (Rs. Crore) | Quantity (Litres) | Value (Rs. Crore) | Value (Rs. Crore) | Value (Rs. Crore) | Value (Rs. Crore) | (Rs. Crore) | |
| Himachal Pradesh | 17.18 | 972818.24 | 17.50 | 1.20 | 13.99 | 0.41 | 50.28 |
| Gujarat | 0.66 | 109189.19 | 3.86 | 0.94 | 1.86 | 64.56 | 71.88 |
| Total 122.16 |
