Ka 4th Evening Super-4 Football Tournament 2022 wa pynman da ka Sports & Youth Affairs Committee ka Chutwakhu Social Welfare Local Durbar, Jowai da pteiñ biang ya ka ynne i janmiet deiwa pynman biang ar tylli ki yalehke kiwa man leh ki yalehke wa khaddooh ka 2nd Round chwa u sdang noh ya ka Quarter Final.
Ha ka yalehke wa nyngkong ka Progressive 7 FC da jop ko ya ka Mookyndur FC da 3-1.
Ya ka Progressive 7 da thap kool da u Damehi Rngad ha ka minit wa 4 wa 30, u Armorando Chullai ha ka minit wa 36 katwa ya ka Mookyndur FC da thap kool da u Promi H Suting ha ka minit wa 37.
Ha ka yalehke wa ar, ka Carpe Diem da jop ko yaka Damanle da 5-0 da ki kool wa thap u Medonki (Own Goal) ha ka minit wa 2, u Gideon ha ka minit wa 18 wa 32, u Sajemiki ha ka minit wa 19 wa u Sahame ha ka minit wa 33.
Kamtæ ki yalehke Quarter Final u sdang ha ka 14 tarik uni u bnai deiwa pynman le tylli chwa.
Ka Mawlong FC daw yachem ko waka Dongmihsngi Junior’s heipor 4:30 i sngi, pynbood da ka Jayden’s pyrchah ya ka Future XI heipor 5:30 wei daw pynkut da ka RARR FC waka Spartan heipor 6:30.
