U President ka Meghalaya Pradesh Congress Committee (MPCC), u Vincent H Pala da ong u wa i wymbien wow pynbna paidbah ya ki heh næ ki bru kiwa psiah cha ka Congress toh neidaw wa kiwa boon daw chah thied noh ki. Ya ini da ong u hawa kylli wa ym jooh yoo wa psiah ki heh cha ka Congress tangwa da yoo du ya kiwa mih.
Da ong u wa yoo u kiwi ki Party ym em ki ya ki kyrtong na ki hi kiwa pynman wow thied noh ki ya ki kyrtong yong ka Congress. Da ong u wa ya ki kyrtong kiwa ka seiñ Congress da pynkhreh ko em i pyrchang wow thied wei toh ini i daw wa ka seiñ ym kwah ko wow pynbna paidbah ya ki bru kiwa lai psiah cha ka Party kamjooh ya ki kyrtong ka Party wow yakhun.
Ha iwi i liang da ong u wa ka seiñ da pynkhreh ko wow pynyakhun na waroh 60 tylli ki Constituency ha ka Election MLA wow wan ha ka jylla, wei katkam wa khana u, hadooh katni ka seiñ dadep rai ko ya ki kyrtong yong ki 57 tylli ki Constituency.
