U President ka Meghalaya Pradesh Congress Committee (MPCC), u Vincent H Pala da ong u wa ka Party da phah ko ya ka chithi cha ki 5 ngut ki MLA wa da chah beh seiñ chipor wow jubab ki, tangwa lada ym jubab ki tæ i chah beh seiñ u neh hi i.
Da ong u wa ya katni ym em de i wow leh na ka MPCC, tangwa emkaam wow yaklam bait cha ka All India Congress Committee (AICC) neibhah da em ka Committee kawa bichaar kyrpang ya ini i kaam.
Da ong u wa nadooh chwa wow chah beh seiñ da lai yachem u ya ki MLA ya kiwa bien wow chah beh (Suspend), tangwa lada sñiaw ki wym em de ka laad, ym ye de wow leh iyi iyi.
Kam wow kdaw heini ka Congress da beh seiñ ko chipor næ Suspend ya i man dkhot yong ki 5 ngut ki MLA ka Party hadien wa da lai kyrchaan ki ya ka sorkar MDA ha ka 8 Thohlakhmi (Feb) 2022.
