Dang pteiñ i pyrchah ya ki bar-jylla wow yakhun election hapoh GHADC

Tura : “Ka mynried yong ka ri-loom Garo toh u jied da ki Garo hi ym toh da ki bar-jylla kamtæ dang pteiñ i pyrchah yei yaleh Election ki dkhar ha ka GHADC.” Ong ka GSU.

Ini i pyrchah ka GSU wa kiwi ki seiñ na Ri-loom Garo toh iwa nadooh u snem 2008 yow kyntait ya ki bar jylla na ka Electoral Roll wei ha u snem 2011 da pynman da ka strike ha khmat ka ophis ka GHADC hadien wa i yaklam wa ki MDC ym poi i cheiwon cheiwon.

Ha u snem 2014 deilang wa kiwi ki seiñbhalang kam ka ADE, AYWO waka FKJGP da pynman ya kiwa boon ki yalang paidbah yow pynsniawthooh ya ki paidbah yei pyrchah ki seiñ wow yakhun election ki bar jylla hapoh ka GHADC.

Ha chwa wow pynman election ha ka GHADC ha u snem 2015 da khut lang ya ki paidbah waroh yow Boycott ya ka election wei da paan yarap leh na ka sorkar bei ha Delhi tangwa da jubab ki wa chong ha ka sorkar jylla wa pynkrehkaam ya ka 6^th Schedule wow rai wa ye namo ym ye ki bar jylla u yaleh election.

Related posts

Wa man Rangbah Shnong ki Garo, lai kdaw ka KHNAM ha ka KHADC wa man i pyrchah ya ka aiñ

November 26, 2024

Heipor tlang wa duna um ym ye u leh iyi iyi: Marcuise N Marak

November 26, 2024

Ka GSU da e nongmuna ki wa ka KHADC ye ko u khanglad ya ki bar jylla, tæ i yi won wa eh ya ka GHADC wow leh ko yei jooh.

Da pynkut ka seiñ deiwa ong wa na ki 18 tylli ki ADC, 1 Territorial Council wa ka 1 ka Territorial Administration hapoh ka ri India toh du ha ka GHADC wa ye ki bar jylla u yakhun election wei kamjooh u yoh u kreh hapoh yong ka.

Ha ka chithi wa thoh ka GSU cha u CEM ka GHADC ynne ka sngi ka da kyrpad wow pynkylla ya ka aiñ ka District Council Elections Rule 128 sub-rule 1(a), sub- rule 2 & 3 yow khang laad ya ki bar jylla u yaleh election ki.

Da ong wa yeini emkaam bha u leh smat deiwa pyrkhat yei boon wa wan hiar ki baar jylla cha Garo wei lada ym leh smat wow khang lad ya ki u chimbynta ki ha ka Election daw poi i por daw synchaar da ki bar jylla yei hok yong ki bru Garo.