U Montri Rangbah ka jylla, u Conrad Kongal Sangma da ong u wa man iwa suk wow hukum siat ya ki bru wei wow pynemkaam dei bor, tangwa man iwa eh wow neh chah wei wow sñiawthooh wei wow ap yow pynbait hawa joor i awri na waroh ki liang.
Ini i klam u Conrad toh hajrong i pynbaad wa da mih wa kani ka sorkar toh kawa chah jem wei ka wym nood u leh iyi iyi. Tangwa da ong u leh wa em u pood hadooh katwon u ye i u chah neibhah i jia toh i wym ye u pdiang wei hap wow chim da iwa eh.
U Conrad da ong u wa ki bru ye ki wow pait katkam wa ye ki wei ye ki wym sñiaw iyi iyi, tangwa neibynta yong uwa hakhmat hap u pyrkhat yei suk ha ka jylla wei i chngaaiñ ki paidbah toh iwa rap emkaam.
Da ong u wa hawa kam ini i por da em sakhiat i eh wei ka sorkar ha kam ini i por ye ko wow pynyoo bor wei wow pynheh chooh chooh yeiwa jia lane lah wow neh chah, wei da pynrap u deiwa ong wow ap wei wow yaklam toh kawa eh bha wow leh.
