U Montri Rangbah ka jylla, u Conrad Kongal Sangma da ong u wa ini i por ym toh wow yaklam Politics wei ya ka Politics daw yaklam ha ki rynsan Election. Ini i ong u Conrad toh hajrong i klam ka liang pyrchah wa toh u e laad synchaar da ka President Rule neibhah wym ye ka sorkar wow pynneh yei suk i saaiñ ha ka jylla.
Da ong u wa ini ym toh i por wow pynbaad næ wow klam Politics, tangwa iwa emkaam katni toh wow ya krehlang neibhah kiwa boon kwah ki yei suk. Da ong u wa ka Election daw wan wei ha itæ i por ye wow klam katwa sñiaw toh.
Hajrong i dawa hiar chuki ya u Montri Kaam Pohyung, u Lahkmen Rymbui. U Conrad da ong u wa kiwi ki seiñ pyrthai ye ki wow ki wow dawa hiar chuki, tangwa da pynrap biang wa ini i ym toh i por wow ya pynbaad ya kiwon kiwon ki seiñ lane wow chim kabu na ini i long i man.
U Montri Rangbah da ong u wa ka sorkar da chim ko boon ki laad yow wanrah yei long i man wa bha, wei ha kam ini i por da emkaam wow ya krehlang kam kiwa yahkhmat deiwa booh chwa cha rood yei pyrkhat saiñpyrthai.
Heijooh i por u Conrad da ong u wa ka sorkar da paitbha ko yei rukom man i suk i saaiñ, wei katni da man iwa jai-jai hawa nujor wa ki sngi wa dadep, tangwa ym mut won wa kheiñ stiñ wei ka sorkar dang pait ko thij-pa-thij.
