Ka Dorbar Chnong Umkiang ha ka Wyrta wa da phah, da pyntip ko wa daw mih paidbah cha sarok lada ka sorkar, ka NHAI ym sdang pynchna ki ya u sarok NH06 hapoh ka 03-12-22.
Da ong wa i wym pynchna namo Repair ya uni u sarok uwa pynyabi ya ka jylla Assam (Barak Valley), Manipur, Assam, Tripura, Mizoram da pynman ya ki paidbah wow im kthang wei wow yoh kjut nei riñ mynsien yei laphooh khamtam ki khynnah.
Neiliang kiwa yahkhmat chnong da dep pyntip ki cha u DC wa kamjooh ya ka NHAI wow pynchna noh ya uni u sarok, tangwa ka NHAI ym em leh ko kamwa da kular.
Neiliang ka chnong daw yang ko hadooh chi tayaw wa ka NHAI u chimkhia ko ya ini i eh yong kiwa chong chnong wei lada ym leh ki, daw mih paidbah wow chong ha sarok ha ka tayaw wow wan.
