Uwa yahkhmat ka Meghalaya Pradesh Trinamool Congress Legislature Party, uwa man leh uwa yahkhmat ka Liang Pyrchah, u Dr. Mukul Sangma da ong u wa lada booh ya ki Outpost lane pynku kyrdan ya kiwa da em chwa emkaam ya ki bru wow kreh, tangwa kani ka sorkar da pyndooh ko yei hok ki khynroo kiwa kwah wow kreh ha ka chnat pulit.
Hawa klam hajrong i rai yong ka sorkar wow booh noh ya ki Border Police Outpost (BPO) ha ki ki 7 tylli ki thaw ha khappood wei wow pynku kyrdan ya ki 2 tylli ki Outpost, da ong u neiwon u yoh ya ki bru wow kreh hawa em da ki hajar ngut ki khynroo kiwa da thap wow yoh psiah kreh pulit ha ki kaam wa da lait nadooh u snem 2016 ter ter.
U Dr. Mukul da ong u wa ini i rai toh du wow pynbiej bru neibhah heiwon em kitæ ki bru ha ka chnat pulit. Da pynbaad u wa ka sorkar da ieh khnang ko wym pyndap ya ki kaam wa lait neibhah wym kwah u pynkrehkaam ya ka poisa paidbah wow su ya ka tulop ha ki kaam wa lait nadooh ka sorkar warim.
Uni uwa yahkhmat ka Liang Pyrchah da beiñ u leh ya ka sorkar MDA kawa da pyndooh yei hok ki khynroo wa thap kreh.
