Uwa yahkhmat ka Meghalaya Pradesh Trinamool Congress (MPTC), u Dr. Mukul Sangma da ong u wa ka Party da tip chwa ko ya ki MLA yong ka Party kiwa daw mih noh, wei da dep wow jied leh da kiwi ki kyrtong kiwa ye wow yoh yei jop ha ka Election.
Da ong u wa da dep klam chwa wa em ki MLA kiwa daw mih ym du naka TMC, tangwa na kiwi ki Party leh, wei ka TMC da tip ko ya ki MLA ki wow mih neibhah ka Party ka sñiaw ko wa ym waroh ki MLA wa katni u jop ki iwa ye u man wa da pynman ya ki wow mih noh naka Party.
Kam wow pynkynmoo wa ka TMC kawa em ha ka Liang Pyrchah ha ka jylla da dooh ko ya uwi u MLA, u Himalaya Muktan Shangpliang uwa da ieh noh yei man MLA ha ka sngi nyngkong kani ka tayaw wow yakhun Election naka BJP.
