U Montri Rangbah ka jylla, u Conrad K Sangma da ong u wa i khut hajir ka National Investigating Agency (NIA) ya 4 ngut ki dkhot ka Hynniewtrep National Liberation Council (HNLC) ym em yatoh ko wa i klam yasuk neibhah i ylam yasuk lai i jar jiar.
Da ong u wa hawa em i yaklam wa ka chnat ki Kaam Pohyung ka ri lane ki Agency wa takit, ka sorkar da pyrchang ko kammon wow lai chaphrang. Da ong u wa i yaklam yasuk leh u man ko wow pyndooh ya kam kini ki pynthut.
Haka 1 tarik uni u bnai, neiliang uwa yahkhmat ka Liang Pyrchah, u Dr. Mukul Sangma da pynsñiaw u yei tieñ hajrong i phah hajir ya ki heh ka HNLC iwa ye wow pyndooh yei chaniah hajrong i klam yasuk wei da kylli u leh yaka sorkar lada pyntip ko ya ini i klam cha ka sorkar India.
U Conrad hawa klam wa kiwa pathai khubor da ong u wa kani ka sorkar da lai ko chaphrang wow pynbait leh ya u pood hadien wa yaklam boonsien wa u Union Home Minister wa u Home Secretary ka sorkar India, neibhah ym ye wow pynlai yei yaklam khlem i tip ka sorkar India.
