Ka Dorbar Chnong Mukhla Nongrim da e khublei ko ya ka Seiñ Kur Sari (Pata) Mukhla Nongrim kawa man ka kur kawa da chynna jngai yei lehkhooid leh suba hapoh ka chnong ka thaw kawa da e sñiawbhah haka 10 tarik uni u bnai da ki tin pynlang jhep hadooh 200 tylli yow yoh u booh tymbud u surok kari nadooh na Ladmukhla u sarok LNKT Road hadooh wa poi cha wakut yong ka chnong Mukhla Nongrim.
Kamtæ neiliang ka Dorbar Chnong Mukhla Nongrim da e khublei kitbok kitrwiang ko ya ka Seiñ Kur Sari (Pata) wa kani ka kur u ku ko chakhmat ha ki kaam wa bha yong ka hapoh ka chnong ka thaw.
Chwa u saam ya kini ki tin pynlang jhep da pynman ya ka yalang wa tbian wa pynlai da u Buhlut Suna, Waheh Chnong Mukhla Nongrim deiwa emlang u General Secretary Chnong, u Standbyme Sari.
Da yoh leh yei klam snieñ kyntu na u Firstly Sari hajrong kammon u pynemkaam ya kini ki tin pynlang jhep wei kammon u man i ki bru kiwa leh khooid hapoh ka chnong ka thaw, wei da pynbood da i sneiñ i kyntu na u Janta Sari uwa man leh u kñi yong ka kur Sari Pata chaphang kani ka luti wa ka kur da chim ko wow e sñiawbha ya ka chnong ka thaw da kini ki tin pynlang jhep khnang wa ka chnong ka thaw yow lait ko nei jakhlia ha ki luti ki syngkieñ.
Da yoh leh i klam na u Chairman ka Dorbar Chnong Mukhla Nongrim.
Ka wyrta wa phah da u Standbyme Sari, General Secretary ka Chnong Mukhla Nongrim.
