Ka Meghalaya toh kawi na ki jylla kawa kiwa chong chnong ym bna ki wa lada wan kiwon kiwon leh wow yalap Election, da ong u National Vice President ka National People’s Party ha Meghalaya, u Prestone Tynsong.
Ini i klam u toh hajrong wa kylli heiyatoh wa i wan ka heh dooh ka All India Trinamool Congress, ka Mamata Banerjee, cha Shillong myntu ka sngi wow khriñ ya ki paaid thap Vote ka jylla, neibynta ka Election jied MLA thymme ha u 2023.
“I wan yong ka Montri Rangbah ka West Bengal cheini ym em iyi iyi i ktah,” da ong u deiwa e nongmuna ha i por wa man Prime Minister u Dr. Manmohan Singh wa dang em ki ha ka Congress heiwa ym em ktah ko iyi iyi leh.
“Kat u Prime Minister, kat ka Sonia Gandhi ha ha itu i por da wan ki ar sien le sien neibynta wow yalap Election ya ka Party Congress, tangwa nga ym yoo O wa da em iwon iwon i myntoi,” da pynrap chooh chooh u.
Kamtæ da ong u wa ini u jia i jooh manda wan ka Mamata Banerjee cha kani ka jylla iwa ar sngi nadooh myntu ka 12 tarik.
