Ka Perfect Capture Studio daw pynman ko yaka Audition yow jied ya kiwa chimbynta ha ka yakob Face of Meghalaya 2023 (Beauty Pageant) neibynta ki chynrang, ki kynthai wa dang khynroo, ki kynthai wa da em kurim, kiwa dang khai khynroo wa ki khynnah (Mr, Miss, Mrs, Teen & Kids).
Ya kani ka Audition daw pynman leh ha Jowai haka 19-12-22 ha S Pakyntein Restaurant Hall wa em mar pyrchah ka Petroleum hajan ka laad Kiang Nangbah College nadooh 11:00 waje i step.
Kiwa chah jied ha kani ka Audition dow yoh ki u chimbynta ha ka Finale kawa daw pynman haka 28-01-23 ha Shillong.
Kamtæ ka Perfect Capture Studio da khut ko ya waroh kiwa kwah u chimbynta ha kani ka yakob miat kynthai bha chynrang khlem booh ya kiwon kiwon ki kyndon.
Ya kiwa jop yei naam Mr wa Miss donhi daw yoh ki yaka song poisa kawa T. 30,000, kiwa yoh 1st Runner Up daw yoh ki T. 20,000 katwa kiwa yoh 2nd Runner Up u yoh ki T. 10,000.
Waroh kiwa jop daw yoh ki leh ya ki pangsnget, Trophy, Gift Hampers, u chimbynta ha ki Fashion Show, Photoshoot, Music Video wei daw yoh Contract ki waka Perfect Capture Studio.
Kiwon kiwon kiwa kwah u tip bniah ye wow Phone ha kini Number-6033097541, 7005908108, 8575650514.
