Ynne ka sngi ka Dorbar Chnong Panaliar, Jowai da pynlait paidbah ko ya ki Ticket ka Lucky Draw 2026 ha ka yalang wa pynman ha yungwalieh ka chnong heiwa u waheh chnong ka Ladrymbai B uwa man leh u President ka Synjuk Waheh Chnong East Jaiñtia Hills, u Jesper Bareh da man u kam u kongsan.
Kani ka Lucky Draw da booh thong wow pynman ya ka neibynta wow pynmiat pynbha ya ka Panaliar Secondary School wa ka madanbol ka chnong kawa em harood ka skur.
Ha kani ka yalang da yoh i klam pdiang na u waheh chnong ka Panaliar, u Careme Phawa, i kyntien ngoohblai na u Asst. Waheh Chnong, u RK Ram Rymbai wa i klam na u Secretary ka chnong, u Juhhi Nanghuloo.
U Jesper hawa e i klam da ong u wa ka Panaliar man ko ka chnong kawa hakhmat dooh heiwa da man ko kawa da pawnaam bha ha Ri-loom Jaiñtia kawa da pynmih ya ki sahep sorkar wa kiwi ki khroo pyrkhat.
Da kitbok u leh ya ka chnong wa iwon iwon i wow leh ko yow man iwa jop.
Ya ki kyntien khublei da yoh na u Asst. General Secretary ka chnong, u Ram Sumer.
Ya kani ka Lucky Draw u pynkhle ha ka Jowai Winter Carnival kawa man ka tamasa ka chnong ka wow man ha ka 11-12 tarik u December 2026 heiwa ki Prize man ki kamni ha wah:
1st Prize – Rs. 8 lak
2nd Prize – Rs. 2 lak
3rd Prize – Rs. 1 lak
5 tylli ki Consolation Prize wa mar Rs. 10,000
I dor kawi ka Ticket man ko Rs. 100 chi sla.
Discussion about this post