Pynsangeh biang ka SC yaka hukum khang chalan moochuni

Hadien wa ka High Court ka Meghalaya da chong bichaar khaddooh ko haka 21-11-22 wei da pynmih ko yaka hukum haka 24-11-22 ya ka mukotduma PIL wa yatoh wa i chalan moochuni cha baar ri da kiwa em ya ka Minor Mineral License, heiwa da chim ko ya ka rai wa lada chalan cha baar ri, da emkaam wow em yaka Major Mineral License ya kiwa tih moochuni neidaw wym ye u ong deiwa tikna kammon pynemkaam namo ka End Use ya u moochuni la hei chna yung lane ha ki karkhana heh heiwa lada pynemkaam ha ki karkhana kam ki Cement Plant, ya u moochuni da kheiñ ya oo kam u Major Mineral.

Chwa ini ka Supreme Court da dep pynsangeh ko ya ka hukum ka High Court wow khang yei chalan moochuni cha baar ri tangwa da e laad ko wow pyndep chwa yei bichaar iwa da pyndep wei da pynmih hukum haka 24-11-22 heiwa da pynksan hi ko ya ka hukum wa emkaam hi da ka Major Mineral License ya kiwa tih moochuni yow ye wow chalan moochuni cha baar.

Kamtæ yow pynsangeh ya kani ka hukum ka High Court ka Meghalaya, u President ka East Jaiñtia Minerals Miners and Traders Association, u Kermiky Dkhar da pyntip u wa da lai yaleh mukotduma ha ka Supreme Court hapoh i pyrtuid ka seiñ Meghalaya International Exporters Chamber of Commerce heiwa da yasaaid ya ki da u muktiar Mukul Rohatgi, Senior Advocate heiwa ka Supreme Court haka 12 tarik uni u bnai da pynsangeh ko ya ka hukum ka High Court wei da chah leh wow chalan moochuni cha baar ri.

Ka Supreme Court da booh ko leh ya ki kyndon ya kitu kiwa chalan moochuni wa hap pynyoo ki yaka Bank Guarantee kawa T. 75 lak samen hapoh chitayaw hakhmat ka Supreme Court hi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka Supreme Court da pynsangeh ko leh yei bynta ka hukum ka High Court kawa phah su yaka jylla Meghalaya T. 2 klur yei e ko ya ki Minor Mineral License wei ya kani ka poisa toh u pynemkaam yow thied ya ki tiar ki tar neibynta wow sumaar Cancer kiwa toh u pyndait ha Civil Hospital Shillong kawa toh u leh chwa u kut u Duiyatra (Jan) 2023.

Ya kani ka mukotduma ha ka Supreme Court daw chong bichaar biang ha ka tayaw wa ar u Duiyatra  (Jan) 2023 heiwa da pynngat leh yaka Ministry of Mines wow embynta lang ko.

Neiliang ka seiñ East Jaiñtia Minerals & Traders Association da ong ko wa ini i jop kiwa khayi moochuni daw wanrah ko leh yei yoh nong ya ka sorkar.