Ka Voice of the People’s Party (VPP) ynne ka sngi da pynbna paidbah ko ya ka chap yong kani ka seiñ saiñpyrthai wa thymme wei uni toh uwa da tip kam u ‘Prah’. Ha kani ka sngi wa ka VPP da pynbna ko ya ka chap, da ki hajar ngut ki paidbah da tooid ki wow sakhi ha madan Smit.
Hawa klam ha ka yalang, u President ka VPP, u Ardent Miller Basaiawmoit da ong u wa da u Prah daw peh ya ki stait ha ka synchaar ka khaddar, wei kani ka chap daw yieñ wei sakhi leh ya ka thong yong ka Party wow wanrah ya ka synchaar ka khaddar kawa khooid wei daw man ko i kyrkhu ya ka longdien ka mandien.
Ha kani ka sngi da sakhi lang ya kani ka chap yong ka Party da kiwa yahkhmat ka VPP, wei kamjooh ki kytrong kiwa daw e reiñ ha ka Election kawa daw wan deiwa emlang ki hajar ngut ki paidbah ha madan Smit.
