Ha ka 28 tarik uni u bnai, ka karkhana Dalmia Cement (Bharat) Ltd. Thangskai, EJH da pynman ko ya i e snaam sñiawbha ha Dalmia Occupational Health Centre (OHC) chirup wa i krehlang wa ka ‘Ai Jingim Voluntary Blood Donors Association, Shillong’.
Ha kani ka sngi da emlang ki wakreh ka Blood Bank Jowai hapoh i yakhmat ka Dr. P. Shylla kawa man ka In-Charge kani ka Blood Bank hei emlang u Chief Medical Officer ka OHC.
Ha kani ka sngi da chimbynta leh ki manbei na ka Dalmia Colony kamjooh ki wakreh kani ka karkhana.
Neiliang u khlieh ka Dalmia Plant, u Raju Ranjan Prasad wa u heh ka chnat Human Resources kani ka karkhana, u Dinesh Kumar da yaroh ki ya kini kiwa e snaam khamtam ya ka Ai Jinim wa ka Civil Hospital Jowai Blood Bank neibynta ini i kaam wa sbun yong ki.
Uwi u sahep ka karkhana Dalmia, u Subrat Dhal uwa em i snaam O-ve, da e snaam u la kamwa 47 sien wow yada ya ki mynsien bru.
Waroh dapoi 34 Unit i snaam wa da e sñiawbha ha kani ka sngi.
