Ynne ka sngi da man ko ka sngi wa kiwa yaleh MLA da ye ki wow thap pyrtuid kam ki kyrtong wow yakhun ya ka Meghalaya Legislative Assembly Election 2023 katkam wa pynbna da ka Election Commission of India.
Pyn ynne ka sngi, ar ngut ki kyrtong ka National People’s Party (NPP) kiwa man ki chipayu wa kynthup ya ka Dr. M. Ampareen Lyngdoh ka wow yakhun na East Shillong wa ka Dr. Jasmine Lyngdoh ka wow yakhun na Nongthymmai da lai thap pyrtuid lang ki.
Ka Dr. Ampareen kam kawa wan na ka manyung kiwa jooh mihkhmat paidbah, da ong ko wa i rukom ka yung yong ka wow wan thap pyrtuid ha ka sngi wa nyngkong dooh wei kwah ko leh wow pynneh ya ini i rukom kamwa da leh da u pa wa u payu yong ka.
Sa uwi uwa thap pyrtuid ynne toh u Pynshai Manik Syiem na ka 20-Mylliem Constituency kam u kyrtong samen.
