U kyrtong yong ka National People’s Party (NPP) na Pynthorumkhrah Constituency, u Rocky Hek da ong u wa ha ki 4 bnai wa da lai u kam u kyrtong ha katai ka Constituency, da leh u boon kiyi kiyi.
U Rocky Hek uwa da pyndep yei thap pyrtuid ynne ka sngi deiwa synraan lang da kiwa ha-yung ha-sem deilang wa kiwa kyrchaan.
Hawa klam wa kiwa thoh khubor hadien i thap pyrtuid, u Hek uwa man u pyrsa yong u MLA wa katni, u AL Hek, da ong u wa ki paidbah hi daw bichaar ki neibhah kam u tre chnong ha Pynthorumkhrah, ki kaam wa khlem ye u leh da u MLA kattu la 25 snem wa u MDC ha ki 5 snem da ye u wow leh du ha ki 4 bnai deiwa e yarap cha ki dorbar chnong, lyngba i yarap u Montri Rangbah wa u Symbood Montri Rangbah.
Da ong u wa da mih u cha ka lympung wow yakhun ya ka Election ryngkat ka yurim wa ka Constituency wa emkaam i kylla. Da ong u wa iwa booh hakhmat dooh lada jop ya ka Election toh wow pyndooh yei drug, ya iwa kiwa mihkhmat waroh chi kattu ym ye ki wow leh.
Da ong u wa i drug toh ka phang wa hap u wow sngoh miej lada poi chei jop.
