Ynnin ka sngi, ka Amkoi Agro & Eco Friendly Tourism Promotion Development Society Ltd. Amkoi da pynman ko ya i pynsñiawthooh hapoh ka chnong Amkoi, wow pynsñiaw ya kiwa chong chnong hajrong ki mat wa har rukom.
Ki mat wa da yaklam ha kani ka sngi toh hajrong kini hawah:
I khooid u jngiar wa da pynsñiaw da u Lah Sumer.
Ka rymaw wei kammon i myntoi wa da yoh na ka yeiwa da klam da u Romsong Pohktai.
Ki kaam uiñke suwari wa pynsñiaw da u Barister Riahtham.
I emkaam yei stat i tip wa pynsñiaw da u Treiborlang R. Suchen.
I maa wa mih nei chongkha khynnah wa pynsñiaw da u Dr. Shemphang P. Hayong.
Da yoh leh i kyntien khublei na u Secretary kani ka Society, u B.L. Pohti wei i e khublei wa kyrpang toh ya ka YESS Meghalaya kamjooh ya u Montri Rangbah ka jylla uwa da pynmih khnang ya kani ka Scheme wow kynrong ya ki khynroo khyllood.
I sñiawngooh leh da lai i cha u Waheh Chnong, u Aibor Lamin uwa da e ki kyntien pdiang sñiawbha.
Heijooh i por da e khublei leh ya ki khynnah skur, ki Asha, ki Anganwadi, ka Musical Club Amkoi, ka Amkoi Sports Club, ki paidbah, ki SHG waphær waphær kamjooh leh ya waroh kiwa em Job Card kiwa da wan cha kani ka sngi.
Heijooh i por da e khublei leh ya u L. Pohti ryngkat kiwa kreh wa kiwi kiwi.
“E wa u Blai u kyrkhu kyrdoh u ya waroh kiwa embynta ha kani ka e sikai ka Society,” da ong ka seiñ.
