U kyrtong ka NPP na 1-Nartiang Constituency, u Sniawbhalang Dhar ynne da wan u wow thap pyrtuid ha kamra u F.B. Basan, Addl. Deputy Commissioner ka West Jaiñtia Hills District ha Jowai.
Hawa yaklam wa kiwa thoh khubor da ong u wa ha kani ka kynti ki kreh da em ki kiwa boon wa daw kreh wei kiwa da dep kreh leh dang em ki kiwa boon jait khamtam wa u sarok kiwa boon wa da miat kamwa 90% wei hap u pait yei chait i khiah, ka umbaam, i krehkaam ka sorkar kiwa em hakhmat.
Da ong u leh wa sñiawthooh hi wa khlem i chait i khiah ym poi cheiwon cheiwon, wei du i chait i khiah khlem ka bordiñ leh ym toh iwa miat wei ka umbaam umdih leh toh kawa emkaam wei kamwa man katni waroh ini toh iwa dang pynkhreh wei em leh kiwa da jan pyndep.
Hawa kylli chooh chooh da ong u wa sñiawskem u wa 200% da jop bait.
