U kyrtong ka NPP na 3-Raliang Constituency, u Comingone Ymbon uwa da jop kam u MLA la le sien, ynne da wan u wow thap pyrtuid ha kamra krehkaam ka D.V. Lyngdoh, Addl. Deputy Commissioner ka West Jaiñtia Hills ha Jowai.
Hadien wa pyndep u thap pyrtuid, neiliang u Comingone da ong u wa da embhah u wow jop la le sien wei da em boon ki kaam pynroi wa da wanrah u hapoh ka Constituency.
Da ong u leh wa nachwa dang sah bha khamtam heiyatoh wa i puræ puthi, i chait i khiah wa ka luti syngkieñ tangwa katni da rap hoi kajiak.
Hawa kylli da ong u wa hadooh katni u paidbah dang maya hi ki ya oo, dang emkaam hi ki paidbah oo wei oo leh dang emkaam hi u ki ki paidbah.
Kamtæ da kyrpaad u ya ki paidbah ka Constituency wow kyrchaan ya oo kamwa jooh kyrchaan ki yow e laad biang ya oo sa chisien yow jop ha uni u 2023 wei da yooluti u wa ha uni u snem u tam u rap boon bar ya nachwa.
