U Stephanson Mukhim, u kyrtong ka Party NPP naka 7-Amlarem Constituency uwa jooh man leh u MLA warim ka thaaiñ, ynne ka sngi deilang i synran ki paaid wa kyrchaan yong oo, da li thap pyrtuid u ha yung krehkaam ka Amlarem Civil Sub-Division Officer yow yakhun biang yaka Election MLA ha uni u 2023 deiwa ong leh wa kani ka kynti toh kawa oo em kyrmen bha u wow poi cha ka thong.
Heiyatoh wa i chah rem Election u ha u snem 2018, ong u i daw toh wa ki paidbah chah pynbeij ki, katwa ha kani ka kynti won sñiaw skem u neidaw wa i rukom krehkaam ha ki 5 snem wa dep man i wym pynhun ya u paidbah, wei heijooh i por leh wa yoh kyrchaan u na ki MDC wa u MLA warim.
Da ong u leh wa lada poi thong u ha kani ka kynti, daw pyntoh pynbiang u yei duna hapoh ka Constituency neibhah dang boon i duna kynthup nadooh ki sarok, i puræ puthi, i chait i khiah, ka kaam lehke Sport, ka kaam uiñ sawari, u pynku yei sap ki khynroo khyllood wa kiwi kiwi.
