Jowai : Ka sngi All Souls Day toh ka sngi kyntang wa da booh wow leh warom ya ki mynsien kiwa da khlaad na kani ka pyrthai. Ya kani ka sngi toh ka wa kynmoo kyrpang da ka Balang Catholic wa ki kattu katni ki Balang.
Katkam i ngait ki khon ka Balang Catholic, i mynsien kiwa khlaad lai ki cha le tylli ki thaw. Kiwa yap khlem em i leh pap wei im katkam wa da booh u Blai lai ki cha bnieñ. Kiwa da joor i pap kiwa ym em pynkylla yei rukom im bakla yong ki lai ki cha dujok. Kiwa em ha pyrdi won poi ki cha ka Diñ Pynkhooid (Purgatory) heiwa da ngait wa boon ki wa khlaad neh ki ha ini i thaw.
Ka Diñ Pynkhooid toh kawa emkaam yow pykhooid ya ki pap ki wa da khlaad chwa wow psiah ki cha bnieñ. Kamtæ kiwa ha yung ha sem da wan ki ynne ka sngi yow rwai yaroh ya u Blai, u duwai, u thang mombati wei da pyndep leh ya ka kñia Mass wakhooid neibynta kiwa da khlaad yow pynkhooid ya ka luti yong ki cha bneiñ.
Ha Jowai ynne ka sngi da sakhi ya ini ha loom tlep bru ka Balang Catholic Jowai heiwa ki para wa ngait da yalang ki da ki spah yow ngooh u dem wei u kynmoo tympang ya ki mynsien kiwa da khlaad na yung na sem ki kamjooh ya kiwa maya yong ki.
Discussion about this post