Psiah ka-it mynsien da ki phaw ngut ki khynnah ka Laskein Block cha ka Bharat Scouts & Guides 

Jowai : Kamwow pynkrai ya ki thawanær wa i chakri yong ka, dei mynsien wa chongchit pynman ka Bharat Scouts & Guides ya ka Enrollment & Investiture Ceremony yow pdiang ya ki khynnah wa thymme hapoh ki yukdung ynne ka sngi 2 tarik Khonchonglad, ha yung skur ka Government UP School, Mowkaiaw.

Ha kani ka sngi da pdiang sñiawbha hadooh 40 ngut ki khynnah na ki skur waphær waphær wa em hapoh ka Laskein Block kiwa kynthup ya 24 ngut ki kynthai wa 16 ngut ki chynrang.

Ya ka yalang pdiang burom ya ki khynnah thymme da pyllai da u Principal ka Saw Lyngdoh HS School u ma K. F. Mukhim wei da yoh ya ki kyntien pdiang burom won ya ki khynnah kamjooh kiwa wan sakhi yeini da ka Headmistress ka Government UP School Mowkaiaw ka kong Cambel Shadap.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Yow pdiang burom ya ki khynnah chynrang kam ki dkhot da leh da u ma Thijlam Suchiang uwa man leh kam u Scout Master katwa ya ki kynthai won da leh da ka Guides Captain ka kong Heimon Hadem.

Ka kong Willess Tariang kawa man leh kam ka Special Officer of Bharat Scout & Guides Meghalaya da man ko kam ka kongsan.

Da yoh yei klam ha kani ka yalang na District Secretary, u ma Ohiwot Laloo; ka District Commissioner (G) ka kong Saramai Tariang katwa u ma Adiamu Bthuh uwa man leh kam u District Organiser (S) da ya emlang u ha kani ka sngi.

U ma Laloo hei klam yong oo da ong u wa ki khynnah wa psiah cha ka Scout & Guides dei langær duk ki u soor uniform deiwa lut ki pyn naki hi, katwa ha Jaiñtia Hills won pdiang bait ya ki khynnah wot khlem uniform leh tangwa emkaam u sap ki ya ki uniform skur wa u scarf ka skur yong ki.

Kam ka kongsan ha kani ka sngi ka kong Tariang hei klam yong ka da yaroh ko ya ka kong Shadap kawa da ye u pynman ya kani ka yachemlang khlieh snem wei da yaroh ko leh ya ka chnong Mowkaiaw kamjooh leh ya ka Laskeiñ Block kiwa da elaad ya ki khon yong ki u psiah cha ka Scout & Guides kawa yah ya ki kammon u im man ka sngi wei wow kyntu kynrong ya ka imlang sahlang.

Ka kong Tariang da kyntu ko leh ya kini ki khynnah wow man ki kiwa tista wei bahkhlieh yeiwon iwon iwa leh ki man ka sngi katkam wa da khlai kular ki heipor wa psiah ki cha kani ka seiñ.

Da pynwyrngia leh ya kiwa boon ynne ka sngi da ki rwai kam na ka skur Madan Khliehriat Presbyterian UP School, Mowkaiaw wa i chaad na ki khynnah ka UP School Mukhap.

Hachwa wow kut kani ka yachem pdiang burom da yoh ya ki kyntien makhane na u ma Thijlang Suchiang.