Ka KSU Laban Circle ynne ka sngi da lai pait ko ya ka Petrol Pump wa em hajan Anjali Point neidaw wa da yoh ujor na ki paidbah wa kani ka Petrol Pump da thaw thok ko yei Petrol.
Hadien wa da takit ka seiñ da chem ko wa i rukom thaw phñiang wa ki wakreh kani ka thaw da jooh pynbiej ki ya ki bru deiwa theh duna yei Petrol wei deiwa kah ya u Meter yow lait ki bru wow chynna hadooh katwon wa da theh phñiang.
Da chem leh wa kini ki wakreh wa wan na baar jylla kiwa kreh ha kani ka Petrol Pump ym biang ki ya ki kot ki sla.
Ki dkhot yong ka seiñ da pynchitom ki ya kini ki wakreh deilang wa u Manager uwa emkti lang wei da maham joor ya u tre yong kani ka Pump wa toh u pynbiang ya u Meter wa i rukom thaw wei toh u beh kaam noh ya waroh ki wakreh kiwa leh thok ya ki paidbah lym kamtæ ka seiñ ha kini ki sngi daw khang khyrdep ko ya kani ka Petrol Pump.
