U Mukul wa u Conrad toh ki moochynthut wa heh dooh ya ka Meghalaya: Amit Shah

U Montri ki Kaam Pohyung ka ri, u Amit Shah, ynnin ka sngi da lai yalap Election u sa ha ar tylli ki thaw ha Garo Hills kitæ ha Rangsakona wa Dalu wei da kob u wa ka Bharatiya Janata Party (BJP) daw yoh ko yei jop wa yoobang bha ha kani ka Election MLA ha Meghalaya. Wei hapoh i yahkhmat u Prime Minister Narendra Modi, ka BJP da kular kow wow pynman ya ka Meghalaya ka jylla wa mahajon dooh hapoh ka thaaiñ Northeast.

Da beiñ u leh ya u Mukul Sangma wa u Conrad Sangma deiwa ong wa kini ki arngut toh ki moochynthut wa heh dooh hadooh wym ye ki u wanrah i roi i paar hapoh Meghalaya. Kini ki ar tylli ki manyung da leh ki boon ki kaam baamtooh wei da pyndooh ki yei hok ki paidbah ka jylla.

“Da toh por wow kyntait noh ya kini ki ar tylli ki manyung,” da ong u Shah deiwa pynrap “E ya ka Meghalaya da ka sorkar BJP hapoh i yahkhmat u Prime Minister Narendra Modi.”

Da ong u leh wa u Mukul Sangma katni da yaleh Election u hapoh i pyrtuid wa thymme. Nachwa toh u Congress katwa katni won da em u ha ka TMC, “Pait kammon man ka West Bengal, kawa sih palat yei man ka Meghalaya.”

Related posts

Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan

May 21, 2025

Pdiang ka sorkar yei pynche u Sniawbhalang, ki wym hun ye ki wow lai tih chooh: Prestone

May 21, 2025

Chooh chooh da ong u wa ha West Bengal katwa klam u kattæ, i baamtooh ya ka poisa, i wym em aiñ, ki kaam pyrchah aiñ jia ki wei lada ki paidbah ka Meghalaya jied ki ya u Mukul Sangma, daw wanrah u ya ini i jooh hapoh Meghalaya.

“I kaam u Mukul Sangma wa u Conrad Sangma toh wow e kreh du ya kiwa ha-yung ha-sem wa kiwa emyatoh ki,” da ong u Amit Shah deiwa kam leh wa ka BJP daw thung kreh ko deiwa khooid wei wow e kreh cha kiwa toh hok u yoh.

Da kular u leh wa waroh ka poisa kawa toh u poi cha ki paidbah ka Meghalaya cha kiwa dooh wa duk kawi da chah tooh daw phah takit da ka Committee wa khlieh da u Judge ka Supreme Court wei waroh kiwa emkti daw kset patok ki katkam ki aiñ.

Da kdaw u leh yei e u Prime Minister ya ar tylli ki Medical College ha Meghalaya, kawi ha Shillong wa kawi ha Tura. Tangwa neidaw wa tlot wym hoi i rukom krehkaam ym ye ki wow leh yeini. “Lada yoh ka BJP wow chna sorkar, daw booh i 4 tylli ki Medical College ha Meghalaya najrong ki ar tylli kiwa da dep wow e chwa da u Narendra Modi.”