Jowai: Ka thap pyrtuid (Filing of Nomination Papers) yong ki kyrtong ki wow yakhun ya ka chuki MDC kawa da ieh chiteiñ por da u ma Stephanson Mukhim uwa man leh kam u MLA ka thaiñ War, da sdang u mih pyrthai ki kyrtong neibynta kani ka chuki kawa thylli kawa ki paidbah ka War East MDC Constituency u e ki ya ka rai yong ki ha ka 13 u Kmaichonglad (December) yong uni u snem.
I thap pyrtuid yong ki kyrtong wa dang sah sa kamwa chibnai chiteiñ. Ki kyrtong kiwa da sdang mih pyrtuid kiwa kynthup ya u Lamdibok Sumer na ka Indian National Congress, uwa jooh ma leh u MDC kani ka Constituency kamjooh leh u CEM wa rim ka JHADC, na ka Unted Democratic Party da mih i pyrtuid u Firstborn Manner, na ka Bharatiya Janata Party u yaleh u Smenlang Kyndait wa u Lorsing Lakuna (Independent) u kyrtong samen.
Neiliang ka Hill State People Democratic Party (HSPDP) kawi na ki State Party hapoh ka jylla Meghalaya, ym pu em pyntip ko wa daw pynyieñ namo ym pynyieñ kyrtong ko.
Discussion about this post