Ka Dorbar Chnong Mihmyntdu heiyatoh wa kani ka Election MLA 2023, da rai ko wow booh ya ki kyndon kiwa da krehkaam nadooh i janmiet ka 25 tarik uni u bnai heiwa da khang pyrchah ya ki bru na chnong wa na baar chnong wow wan saam poisa ya kiwa chong chnong.
Da khang leh wow wan yalap Election ki tre chnong cha ki yung bru kiwa na kiwi ki dong cha kiwi won.
Da khang pyrchah ya ki bru wow pynheh sur wei wow pynkulmar hapoh ka chnong.
Lada chem ya kiwa tyngkheiñ ya kini ki kyndon daw pynchitom ya ki.
Da kyntu leh ya waroh wow krehlang wa ka chnong khnang wow ye u wanrah ya ki chongsuk hapoh ka chnong.
