I mih kiwa thap Vote hadooh 3:00 waje i sngi ha Meghalaya dapoi i 63.57% wei ha kiwa boon ki thaw i thap Vote da man i iwa lai bait nadooh i step.
Deiwa kheiñ won du hapoh West Jaiñtia Hills hadooh 3:00 waje hi, kiwa thap Vote dapoi ki 73.93% kiwa boon dooh ha 7-Amlarem Constituency kiwa em 81%.
Hadooh 3:00 waje hi, kiwa thap Vote wa duna dooh ha West Jaiñtia Hills toh ha 1-Nartiang Constituency kiwa em 68%.
Ha 2-Jowai Constituency kiwa thap Vote dapoi ki 72.45%, ha 3-Raliang Constituency 70% katwa ha 4-Mowkaiaw dapoi ki 74.25%.
Yeiwa khaddooh hadooh katwon poi kiwa thap Vote daw pynbna won hadien wa da poi lut ki yukheiñ na ki bor sorkar.
I thap Vote toh iwa da sdang nadooh 7:00 waje i step wei u kut i hadooh 4:00 waje lada ym em ki daw wa biang wow pteiñ palatpor.
