Neiliang u kyrtong ka UDP na Khliehriat Constituency, u Kyrmen Shylla heipor wa yaklam u wa kiwa pathai khubor ynne ka sngi heipor wa wan pait u ya ka Polling Station wa em ha Khliehriat West, da ong u wa ka yaleh hi man ko hapyrdi ka UDP wa NPP ha ka Constituency u.
Tangwa da ong u wa dei maya ki paidbah ym artatien u wow yoh yei jop ha ka ar tarik wei chaniah u yei maya ki paidbah.
Da ong u wa hadien wa da wan u na kawi hadien kawi ka thaw thap Vote, da yoo u wa ka yaleh man ko hapyrdi ka UDP waka NPP tangwa kattæ leh ym kheiñstiñ u ya uwon uwon u kyrtong neibhah waroh toh kiwa da yakhun wow yoh yei jop wei du kiwa khor hi tangwa dei maya ki paidbah daw yoh u yei jop.
Heiyatoh won wa i emkaam u thap Vote, da ong u wa ki paidbah ym toh u sñiaw ki wa du kawi ka Vote ym ye ko wow wanrah iyi iyi i kylla tangwa man ko kawa kordor neibhah ka chi Vote ye ko wow pynjop wei wow pynrem.
Kamtæ da ong u wa ka roi ka paar wa poi cha ka thaaiñ toh kiwa wan na ka chi Vote kamtæ ka chi Vote leh man ko kawa emkaam.
