U Working President ka United Democratic Party (UDP) kamjooh u President ka UDP East Khasi Hills heijooh i por leh u Chief Executive Member ka KHADC, u Titosstarwell Chyne da pyntip u wa neiliang ka UDP Sohïong Circle da tyrwa ko yei pyrtuid u pyrsa u HDR Lyngdoh uwa tip kam u Synshar Lyngdoh kam u kyrtong wow yakhun MLA na Sohïong Constituency.
Kam wow pynkynmoo wa da hap pynsangeh ya ka Election ha Sohïong hadien wa khlaad noh u MLA warim ka Sohïong uwa man leh u kyrtong yong ka UDP na Sohïong Constituency ha kani ka Election, u Horju Donkupar Roy Lyngdoh.
Ya ka tarik thap Vote daw pynbna won da ka Election Commission of India wei i pynkhreh ya ka Election ha katai ka Constituency da sdang biang i heiwa katkam ka kyndoñ ka aiñ Election da e laad ya ka Party wa dooh noh ya u kyrtong wow thooh wei wow pynbna kyrtong da uwi heithaw u kyrtong wa da khlaad chwa ka sngi wow thap Vote.
Kamtæ ka UDP Sohïong Circle da phah ko yei pyrtuid u Synshar Lyngdoh uwa man u pyrsa yong u HDR Lyngdoh wow yakhun ya ka Election.
