Uwa yahkhmat ka All India Trinamool Congress (AITC), u Dr. Mukul Sangma da ong u wa i em ki MLA da biang bha wow kyntait ya ka sorkar wa yahkhmat da ka NPP lada ki MLA ki sñiawthooh ki yei emkaam wow man kiwa yatylli neibynta ki paidbah ka jylla.
Da ong u wa kamwa man katni, ka NPP da em ko 26 ngut wa 2 ngut ki MLA ka BJP, wei na ki 59 ngut kiwa da chah jied da biang bha i boon namo ki Number ki MLA wow kyntait ya ka sorkar NPP, lada kini ki MLA ki sñiawthooh ki yei kaamram neibynta ki paidbah wa ka jylla.
Da ong u wa i yukylli wa da mih katni toh lada ki bru sñiawthooh ki namo ym em ya ini i kitkhlieh wa hap wow pyntikna wa iyi wa da jia ha ki 5 snem wa da dep yow lait i wow pteiñ. Da ong u wa na ka Election, ki paidbah da pynyoo ki yeiyi wa kwah ki wei da klam ki yeini deiwa sñiawthooh.
U Mukul da khana u wa da dep wow yaklam wa kiwa yahkhmat yong ki seiñ Ri-loom kamjooh wa ki MLA khlem seiñ yow pynkynmoo wa ki paidbah da dep ki wow rai wei katni iwa emkaam toh i kitkhlieh neibynta i bha ki paidbah.
