Hadien wa i pyrchang wow chna sorkar khlem ka NPP wa BJP ym mankaam i, ynne ka sngi neiliang ki ar tylli ki seiñ ri-loom kitæ ka United Democratic Party (UDP) kawa em 11 ngut ki MLA waka People’s Democratic Front (PDF) kawa em 2 ngut ki MLA da phah ki ya ka chithi wow e kyrchaan ya ka National People’s Party (NPP) wow chna sorkar thymme deilang waka BJP, HSPDP wa 2 ngut ki MLA khlem seiñ.
Da ini i lai kyrchaan ka UDP waka PDF, ka NPP daw yahkhmat biang ko ya ka sorkar kawa em i boon paaid da 45 ngut ki MLA, laitnoh ya ka VPP kawa em 4 ngut ki MLA waka TMC wa Congress kiwa em mar 5 ngut ki MLA.
I pynsmai ya ki MLA wa thymme u man ko mynstep ka 6 tarik wei i pynsmai ya ka sorkar wa thymme won daw pynman ha ka 7 tarik heiwa daw wan sakhi lang wa u Prime Minister ka ri, u Narendra Modi wa u Union Home Minister, u Amit Shah.
