Hawa kylli na u Montri Rangbah ka jylla, u Conrad Sangma hadien wa da wai ka yalang pynsmai ya ki Montri ka sorkar ynne heiwa da baam smai leh ar ngut ki Deputy CM, da ong u wa ini ym toh iwa thymme wei iwa da em kiwa leh kamni nachwa.
Da ong u leh wa ini man ko kam ka dak wow em ki bru wa mihkhmat ya kiwa boon ki thaaiñ ka jylla wow pynyoo leh wa kdup lang ya waroh wei da kini ki daw da leh yeini.
Heiyatoh wa ki thong krehkaam ka sorkar ha kini ki 5 snem, u Conrad da ong u kini toh yow pynmiat ya ki luti syngkieñ wa kiwi de kiwa emkaam ka imlang sahlang kiwa da kreh chitom nadooh ki snem wa da dep yow pynku yei chait i khiah waka puræ puthi.
Chooh chooh da ong u wa da booh kyrpang ya ki khynroo khyllood hakhmat yow pynyoh kreh ya ki wei 5 snem nachwa hawa chim smai u da dep ong u wa i rukom pynpoi yei yarap ka sorkar cha ki paidbah emkaam wow pynbha chooh chooh heiwa ki Scheme kiwa da pynkrehkaam nachwa, ha kini ki 5 snem wa da dep da man ki kiwa krehkaam bha deiwa khooid i rukom krehkaam wei i rukom booddien.
