Ka sorkar synrop Meghalaya Democratic Alliance-II da sai ko da u MLA ka North Tura, u Thomas A Sangma wow yakhun neibynta ka chuki kam u Speaker hapoh ka Yung Dorbar Chna Aiñ wa khat-wi ka jylla.
U Thomas A Sangma, da lai u wow thap pyrtuid ynne ka sngi wow yakhun neibynta ka chuki u Speaker hakhmat u Commissioner & Secretary ka Meghalaya Legislative Assembly, wei da synraan yow pynskem da ka Dr. M Ampareen Lyngdoh wa u Marcuise N Marak.
Ini i thap pyrtuid u Thomas toh yow mih salan kam u Speaker yong ka Yung Dorbar Chna Aiñ heithaw u Metbah Lyngdoh uwa man u MLA ka Mairang wei u President yong ka United Democratic Party.
U Thomas uwa da jop ar sien kam u MLA ka NPP na North Tura Constituency, wei ha kani ka Election da pynrem u ya u Adamkid A Sangma na ka BJP.
Ha ka sorkar warim, u Thomas da man u kam uwa e buit namo u Chief Adviser yong u Montri Rangbah, u Conrad K Sangma.
