Ka National Testing Agency da pyntip ko wa daw pynman ya ka Common University Entrance Test |CUET (UG)-2023| neibynta ki Undergraduate Programme wa em ha ki Central University wa em hapoh ka Ministry of Education wa kiwi de ki University/Institution/Organisation/Autonomous College kiwa da rai wow embyntalang.
Ka CUET (UG) daw man ko kam kawi donhi ka luti wow wai laad ya ki khynnah wa kwah wow lai puræ ha ki Central University wa kiwi de kiwa da dep rai wow embyntalang wa kynthup ya ki State University, Deemed wa Private University wa em hapoh ka ri kiwa da dep chim ya ka rai wow pdiang da ka CUET.
Kani toh neibynta ka Academic Session 2023-24 wei kani ka CUET (UG) 2023 daw man ko ka Computer Based Test (CBT).
Yow pyndap ya ki Form Online u chah u leh nadooh ka 09-02-23 hadooh ka 12-03-23 hadooh 9:00 waje i miet wei daw pynman ya kani ka Test da ka National Testing Agency hi.
Neiliang ka MBoSE leh da pynkynmoo ko ya waroh kiwa yaleh ya ka HSSLC Exam 2023 wow hap ki wow leh yeiwa emkaam katkam i pynbna ka National Testing Agency wa da dep pynmih ha ka 09-02-23 kawa ye phi u puræ heini wei ki University kiwa chimbynta (Participating University) wow pdiang ya kiwa leh CUET ye phi wow tip heini.
Kam wow pynkynmoo wa ynnin u snem da pynlait ya ka jylla Meghalaya naka CUET hadien wa u Montri Rangbah ka jylla da thoh u cha u Montri ka chnat Puræ Puthi ka sorkar pyrdi neidaw wym pu biang ki thaw thoh Exam, wym biang Internet wa kiwi kiwi de ki daw.
Neiliang u Montri ka sorkar pyrdi ynnin u snem da ong u wa ini i pynlait toh du chisien donhi deiwa pdiang ya ki daw wa da e ka sorkar jylla.
Ki khynnah ka jylla kiwa kwah wow lait u yaleh ya ka CUET ye ki wow yaleh yow lai puræ hapoh ka State University ka Meghalaya kawa dang dep sdang ini wa dep.
Puræ leh: Da wai ya ka State University wa nyngkong ka Meghalaya
